Orchester

L’orchester sinfonic da giuvenils dal Grischun è vegnì fundà l’onn 2005 cun la finamira da porscher a giuvnas musicistas e giuvens musicists dal Grischun la pussaivladad da ramassar experientschas en in orchester e da respirar aria sinfonica. Sper la lavur musicala na duai era l’aspect collegial betg vegnir a la curta. Il JUSI porscha ina pussaivladad unica da scuntrar glieud da tut las trais regiuns linguisticas dal chantun Grischun, ma era suror ils cunfins dal chantun e da cultivar amicizias. Cunquai ch’i dat en il Grischun bleras scolas da musica pli pitschnas a la periferia e ch’i n’è betg pussaivel d’organisar regularmain provas surregiunalas, porscha il JUSI ina schanza unica da far musica en in orchester pli grond. 

Il JUSI vain purtà organisatoricamain e finanzialmain da l’Associaziun da las scolas da chant e da musica dal Grischun (Verband der Sing- und Musikschulen Graubünden (VSMG)).